Þegar leigusamningur er undirritaður verður leiguhúsnæð að heimili leigutaka. Innan veggja heimilis ræður persónulegur stíll og sköpun hvers og eins. Það er því eðlilegt að leigjendur vilji setja sinn stíl á heimilið og haga breytingum í þörf við eigin smekk og þarfir. Hér er mikilvægt að hafa í huga að allar breytingar sem teljast meiriháttar og jafnvel margar minniháttar eru háðar samþykki leigusala og leigusala er óheimilt að nýta fasteign á annan hátt en um var samið.

 

 27. gr.

Óheimilt er leigjanda að nota leiguhúsnæði á annan hátt en um er samið í leigusamningi. Leigusali getur þó ekki borið fyrir sig frávik frá ákvæði þessu sem ekki hafa þýðingu fyrir hann eða aðra þá sem í húsinu búa eða starfa.

Samþykki og Samráð við Leigusala

 

Fyrsta skrefið áður en farið er í breytingar eða lagfæringar er að leita skriflegs samþykkis frá leigusala. Þetta er grundvallaratriði sem tryggir að báðir aðilar, bæði leigjandi og leigusali, eru á sömu blaðsíðu varðandi hvaða breytingar eru leyfilegar. Skriflegt leyfi fyrir breytingum gæti varðað allt frá litlum lagfæringum, svo sem málun veggja, til stærri verkefna eins og endurbóta á baðherbergi eða eldhúsi.

 

 28. gr.

Leigjanda er óheimilt að framkvæma breytingar eða endurbætur á hinu leigða húsnæði eða búnaði þess, nema að fengnu samþykki leigusala og gerðu [skriflegu] 1) samkomulagi um skiptingu kostnaðar og hvernig með skuli fara að leigutíma loknum.

[Skriflegt samþykki leigusala skal jafnframt liggja fyrir áður en leigjandi setur upp fastar innréttingar eða annað þess háttar fylgifé. Hið sama á við hyggist leigjandi skipta um læsingar í húsnæðinu.] 

 

Allar breytingar eða lagfæringar sem gerðar eru á leiguhúsnæðinu þurfa að vera í fullu samræmi við upphaflega samninginn og umsamin afnot. Þetta þýðir að notkun húsnæðisins skal ekki víkja frá því sem upphaflega var samið um, hvort sem það er varðandi íbúðar-eða atvinnuhúsnæði.

 

Ábyrgð Leigjanda og umgengni

Það er mikilvægt að muna að leigjandi ber ábyrgð á öllum breytingum sem gerðar eru án samþykkis leigusala og kann að þurfa bæta leigusala þann kostnað sem fylgir því að koma eigninni í upprunalegt horf.

 

Þá ber leigutaka að ganga vel og snyrtilega um húsnæðið og gæta settra reglan um hreinlæti, hollustuhætti og heilbrigði. Þessi ábyrgð undirstrikar mikilvægi þess að viðhalda góðu ástandi eignarinnar í samstarfi við leigusala

 

 29. gr.

Leigjandi skal í hvívetna fara með leiguhúsnæðið á þann hátt sem samræmist góðum venjum um meðferð húsnæðis og fyrirhuguðum notum þess.

Leigjandi skal án tafar tilkynna leigusala um þau atriði utan húss eða innan sem þarfnast lagfæringar eða viðhalds.

 30. gr.

Leigjanda er skylt að ganga vel og snyrtilega um hið leigða húsnæði og gæta settra reglna og góðra venja um hreinlæti, hollustuhætti og heilbrigði.

Leigjandi skal fara að viðteknum umgengnisvenjum og gæta þess að raska ekki eðlilegum afnotum annarra þeirra er afnot hafa af húsinu eða valda þeim óþægindum eða ónæði.

Hafi umgengnisreglur verið settar í [fjöleignarhúsi] 1) er leigjanda skylt að fara eftir þeim, enda skal kynna leigjanda slíkar reglur.

 

Að gera leiguhúsnæði að heimili krefst samvinnu, virðingar fyrir eigninni og góðrar samskipta milli leigusala og leigutaka. 

 

Umgengni annarra og réttur til Kvörtunar

 

Leigjendur hafa rétt til að senda kvartanir til leigusala ef þeir upplifa ónæði frá öðrum íbúum. Það er á ábyrgð leigusala að taka afstöðu til slíkra kvartana og gera nauðsynlegar ráðstafanir til að tryggja að reglur um góða umgengni séu virtar. Ef leigusali bregst ekki við kvörtunum á viðeigandi hátt, getur það opnað fyrir möguleika leigjanda á að rifta leigusamningi.

4. mgr. 30.gr. 

Leigusala er skylt að hlutast til um að aðrir þeir sem afnot hafa af húsi því sem hið leigða húsnæði er í fari að settum umgengnisreglum og gæti að öðru leyti ákvæða þessa kafla á þann veg að hagsmunir leigjanda séu tryggðir.

Markmiðið með þessum reglum er að skilgreina skýrt réttindi og skyldur leigusala sem og leigjenda. Þetta er gert í þeim tilgangi að stuðla að jákvæðum samskiptum og ábyrgri umgengni innan leigufélagsins. Með því að fylgja þessum leiðbeiningum er hægt að skapa umhverfi þar sem allir íbúar geta notið búsetu sinnar án truflunar.