Svefneyjar
345 Flatey (Breiðafirði)
Hinar söguríku Svefneyjar eru eyjar í Breiðafirði sem eru í einkaeign. Svefneyjar eru nálægt Flatey og tekur ca 10-15 mínútur að fara á milli eyjanna á minni bát. Á heimaey Svefneyja eru tvö einbýlishús og er annað þeirra til leigu í heild sinni. Íbúðarhúsnæðið sem er til leigu var byggt upp úr 1970 en hefur nýlega verið uppgert. Í íbúðinni eru 4 svefnherbergi - eitt hjónaherbergi með Kaliforníu king-size rúmi, eitt herbergi með einföldu rúmi, herbergi með svefnsófa sem breytist í queen-size rúm og eitt svefnherbergi sem er notað sem skrifstofa. Opið er á milli eldhúss, borðstofu og tvöfaldrar stofu. Eitt baðherbergi fylgir íbúðinni. Fyrir framan íbúðina er pallur með borði og stólum og þar er hægt að grilla. Einnig er heitur pottur á pallinum. Listaverk í íbúðinni eru eftir bandarísku listakonuna Rachel Brown og eru af íslenskum dýrum.
Nágrannaeyjan Flatey er með farsímaturn og WiFi í húsinu er veitt í gegnum Starlink-tengingu. Heimaeyjan er knúin með sólarsellum. Rafmagns Moke og rafmagns golfbíll eru notaðir til að flytja farangur og vistir um eyjuna.
Innifalið í leiguverðinu eru bátsferðir milli Flateyjar og Svefneyja við komu og brottför. Ferjan Baldur heldur uppi reglulegum ferðum frá Stykkishólmi og Brjánslæk til Flateyjar. Leigusali getur haft milligöngu um kaup á matvöru fyrir leigjanda á meðan á leigutíma stendur. Farið verður fram á tryggingu ef um leigu til lengri tíma en eins mánaðar er að ræða.
Auk heimaeyjar eru 62 aðrar eyjar og sker sem tilheyra Svefneyjum. Í fjöru er hægt að ganga á milli margra eyjanna en einnig er skemmtilegt að sigla á milli eyjanna í flóði. Svefneyjar eru útivistar paradís. Þar er mikið fuglalíf og má t.d. sjá þúsundir lunda Í Svefneyjum á sumarmánuðunum. Hægt er að njóta óendanlegra gönguleiða bæði á heimaey og nærliggjandi eyjum. Á heimaey eru bæði bátar og kayakar sem má nýta til að fara á milli eyjanna. Aðstaða til sjósunds er einnig mjög góð.
Svefneyjar voru fæðingarstaður og heimili Eggerts Ólafssonar sem var skáld, rithöfundur og náttúrufræðingur. Á meðal rita Eggerts var hin fræga Ferðabók Eggerts Ólafssonar og Bjarna Pálssonar. Í Svefneyjum er Ranakofinn sem talinn er elsta hús á Íslandi.
Í Svefeyjum búa nokkrar kindur sem flakka villtar á milli eyjanna allt árið um kring. Þessar kindur flúðu upphaflega frá nærliggjandi eyjum. Þær synda á milli eyjanna og neyta þörunga til að lifa af veturinn en Svefneyjar eru eitt þörungaríkasta svæði Íslands.
Fylgifé
Ísskápur
Þurrkari
Þvottavél
Eldhús
Með húsgögnum
Húsreglur
Gæludýr ekki leyfð
Mánaðarleiga
2.000.000 kr
Laus frá
15 jún 2025
Leigutímabil
Ótakmarkað
Fyrsti mánuður
2.000.000 kr
Innflutningsverð
2.000.000 kr
Leigt út af Áslaug Magnúsdóttir